PAKIKIPAGKAISA, PAGPAPASAKOP, AT PAGSUNOD

Pakikipagkaisa, Pagpapasakop, at Pagsunod－mga salitang napakalimit ihayag ng mga kaanib sa Iglesia Ni Cristo sa pamamagitan man ng salita o kahit pa ng kanilang mga social media account. Higit sa lahat, ito ay patuloy na ibinubuhay, isinasakatuparan, at iniuukol sa Pamamahala na inilagay ng Diyos sa Iglesia Ni Cristo.

Gaano ba ito kahalaga? Kaninong kalooban ang sinusunod ng mga kaanib sa Iglesia sa pakikipagkaisa, pagpapasakop, at pagsunod sa Pamamahala? Ano ang kinalaman nito sa kaugnayan sa Diyos at kay Cristo?

Ang isa sa mga banal na katuwiran kaya napakataas ng uri ng pagkilala ng mga kaanib sa Iglesia Ni Cristo sa Pamamahala ay sapagkat ang Panginoong Diyos ang naglagay ng Pamamahala sa loob ng Iglesia.

Sa Colosas 1:25 ay ganito ang pinatutunayan ni Apostol Pablo:

“Na ako’y ginawang ministro nito, ayon sa pamamahala na mula sa Dios na ibinigay sa akin para sa inyo upang maipahayag ang salita ng Dios.”

Colosas 1:25

Itinuro ni Apostol Pablo, isa sa mga sinugo at namahala sa Iglesia Ni Cristo noong unang siglo sa dako ng Gentil, na ang Pamamahala ay mula sa Diyos. Ang Pamamahala ang binigyan ng karapatang magpahayag ng mga salita ng Diyos.

Sa 1 Juan 1:3 ay mababasa naman ang ganito:

“Ang aming nakita at narinig ang ipinapahayag namin sa inyo, upang magkaroon din kayo ng pakikipagkaisa sa amin. Ang pakikipagkaisa nating ito ay sa Ama at sa kanyang Anak na si Jesu-Cristo.”

1 Juan 1:3 Ang Bagong Tipan, Filipino Standard Version, Copyright 2009

Malinaw rin na mababasa sa Biblia na ang pakikipagkaisa sa Pamamahala ay pakikipagkaisa natin sa Ama at sa Kaniyang Anak na si Jesucristo. Kaya, ang hindi pakikipagkaisa sa Pamamahala na inilagay ng Diyos sa Iglesia ay hindi pakikipagkaisa sa Diyos at kay Cristo.

Kung paanong napakahalaga ng pakikipagkaisa sa Pamamahala, napakahalaga rin ng pagpapasakop at pagsunod sa Pamamahala, sapagkat ang mga ito ay utos din ng Diyos at mababasa sa Biblia.

Sa Hebreo 13:17 ay pinatutunayan ng mga apostol ang ganito:

“Pasakop kayo at sumunod sa mga namamahala sa inyo. Sila’y nangangalaga sa inyo, at mananagot sila sa Diyos sa gawaing ito. Kung sila’y susundin ninyo, magagalak sila sa pagtupad ng kanilang tungkulin; kung hindi, sila’y mamimighati, at hindi ito makakabuti sa inyo.”

Hebreo 13:17 Magandang Balita Biblia, Copyright 2012

Ang pagpapasakop at pagsunod sa Pamamahala ay utos ng Diyos at tiniyak din sa Biblia na ito ay sa ikabubuti ng mga sumusunod at gumagawa nito.

Kaya, ang ginagawa ng mga kaanib sa Iglesia Ni Cristo na pakikipagkaisa, pagpapasakop, at pagsunod sa Pamamahala na inilagay ng Diyos sa Iglesia ay pagsunod sa mga utos ng Diyos, pakikipagkaisa sa Panginoong Diyos at sa Panginoong Jesucristo, at sa ikabubuti ng mga kaanib sa Iglesia Ni Cristo.

Kaya, mula pa sa panahon ng Sugo ng Diyos sa mga huling araw, ang Kapatid na Felix Manalo, hanggang sa panahon ng kasalukuyang Tagapamahalang Pangkalahatan ng Iglesia Ni Cristo, ang Kapatid na Eduardo Manalo, ay hayag ito.

Ang mga kaanib sa Iglesia Ni Cristo, sa pangunguna ng mga Ministro, Ministerial Workers, at mga maytungkulin sa Iglesia ay lubos na sumasampalataya at ibinubuhay ang mga katotohanang ito.

Sa pagsapit ng ika-12 taon ng matagumpay na Pamamahala ng Kapatid na Eduardo V. Manalo, Tagapamahalang Pangkalahatan ng Iglesia Ni Cristo, ay muli naming inihahayag at ipinangangako na kami’y mananatiling kaisa, napasasakop, at sumusunod sa kanilang pangunguna.

Purihin ang Diyos!

Ang Banal Na Layunin Ng Diyos Sa Pagsusugo

Bahagi Ng Paggunita Sa Ika-134 Na Anibersaryo Ng Kapanganakan Ng Kapatid Na Felix Y. Manalo

 

Pagtupad Ng Pangunahing Tungkulin Sa Diyos, Pag-iingat Sa Buhay, At Pagtulong Sa Mga Frontliners

“Pagsambang Pansambahayan”

[Pagtupad Ng Pangunahing Tungkulin Sa Diyos, Pag-iingat Sa Buhay, At Pagtulong Sa Mga Frontliners]

Ngayon na may ipinatutupad na Enhanced Community Quarantine o ECQ bunga ng pandemang sakit na Covid 19, ipinasiya ng Pamamahala sa Iglesia Ni Cristo na ang mga pagsamba ay isagawa sa kani-kaniyang tahanan ng mga kaanib sa Iglesia. Ito po ang Pagsambang Pansambahayan, na sa pamamagitan nito ay:

1. Patuloy na natutupad ng mga kaanib sa Iglesia ang pangunahing tungkulin sa Panginoong Diyos at Panginoong Jesucristo – Ang Pagsamba.

2. Nagagawa ring masunod ng mga kaanib sa Iglesia ang umiiral na batas ukol sa ECQ – naiingatan ang kalusugan at buhay sa pagkahawa sa kumakalat na sakit.

3. Nakatutulong rin sa mga frontliners upang huwag nang tumaas pa ang bilang ng mga nahahawa ng sakit na Covid 19.

Bakit napakahalaga na patuloy na matupad ang mga pagsamba Panginoong Diyos anuman ang sitwasyon ng buhay? Ganito ang sagot ng mga apostol na mababasa sa Hebreo 13:15:

¹⁵Sa pamamagitan nga niya ay maghandog tayong palagi ng hain ng pagpupuri sa Dios, sa makatuwid baga, ay ng bunga ng mga labi na nagpapahayag ng kaniyang pangalan. 

Sa pahayag ni Apostol Pablo ay nilinaw niya na ang hain ng pagpupuri sa Diyos [pangunahin na ang pagsamba] ay dapat isagawang palagi. Sa Awit 63:4 NPV ay ganito naman ang mababasa: “Pupurihin kita habang ako’y nabubuhay…”

Kaya, upang maipagpatuloy ang mga pagpupuri at pagsamba sa Diyos kahit may umiiral ng ECQ, ipinasiya ng Pamamahala sa Iglesia Ni Cristo, sa pangunguna ng Tagapamahalang Pangkalahatan, ang Kapatid na Eduardo V. Manalo na ang mga pagsamba ay isagawa sa kani-kaniyang tahanan ng mga kaanib.

Ito ba ay naaayon sa Biblia? Sino po ba ang binigyan ng karapatan sa pagpapasiya sa loob ng Iglesia Ni Cristo [tulad ng pasiya na ang mga pagsamba ay isagawa sa kani-kaniyang tahanan]? Sa Mateo 18:18-20 ay mababasa ang ganito:

¹⁸Katotohanang sinasabi ko sa inyo, na ang lahat ng mga bagay na inyong talian sa lupa ay tatalian sa langit: at ang lahat ng mga bagay na inyong kalagan sa lupa ay kakalagan sa langit. ¹⁹Muling sinasabi ko sa inyo, na kung pagkasunduan ng dalawa sa inyo sa lupa ang nauukol sa anomang bagay na kanilang hihingin, ay gagawin sa kanila ng aking Ama na nasa langit. ²⁰Sapagka’t kung saan nagkakatipon ang dalawa o tatlo sa aking pangalan, ay naroroon ako sa gitna nila.

Ang kausap ng Panginoong Jesucristo sa mga talatang ito ay ang mga apostol. Sila ang pinagtiwalaan na mamahala sa Iglesia nang ang Panginoong Jesucristo ay umakyat na sa langit.

Ang Pamamahala sa Iglesia ang may karapatan o binigyan ng karapatan na mamahala at magtakda ng mga gawain na may kinalaman sa Iglesia, pangunahin na ang pagsamba.

Tiniyak ng Panginoong Jesucristo na ang ipinasiya ng Pamamahala ay pagtitibayin ng Diyos na nasa langit. Sa talatang 20 naman ay ipinangako ng Panginoong Jesucristo na “kung saan nagkakatipon ang dalawa o tatlo sa Aking pangalan, ay naroroon Ako sa gitna nila.”

Tiyak na tinatanggap at pinagtitibay ng Panginoong Diyos at sasamahan ng Panginoong Jesucristo ang ating mga pagsamba.

Kaya, kahit ang pagtitipon o pagsamba ay ginagawa sa kani-kaniyang tahanan ng mga kaanib sa Iglesia Ni Cristo at kahit maliit ang bilang, ang pangako ng Panginoong Jesucristo ay Kaniyang sasamahan.

Kaya, kung paanong ang mga pagsamba na isinasagawa sa Templo o Gusaling Sambahan ay pinagtatalagahan ng mga kaanib sa Iglesia ay gayundin ang ginagawa ngayon ng mga kaanib sa Iglesia Ni Cristo.

Lalo nating kailangan ngayon ang pagsama ng Diyos at ng Panginoong Jesucristo upang makatawid tayong ligtas sa mga nangyayari ngayon at higit sa lahat ay maligtas sa Araw ng Paghuhukom.

Hango sa FB Post ni Ryan Cagalingan Garrovillas

“Ang Napakalaking Magagawa At Maitutulong Ng Panalangin”

“Ang Taong Sasamahan Ng Diyos”

Panoorin at Ipag-anyaya!
Reconnect, An EVangelical Mission

Reconnect, An EVangelical Mission

Ang Lubos Na Makatutulong Sa Tao…

Watch & Share!

ANG KAHAYAGAN AT IKAKIKILALA SA MGA TINAKASAN NA NG ESPIRITU SANTO [Sagot sa mga pahayag at maling paggamit sa talata ng Biblia Ni Isaias Samson Jr.]

Malimit gamitin ni Isaias Samson Jr. ang nakasulat sa Kawikaan 29:2 MB na nagpapahayag ng dalawang uri ng Namamahala. Matapos basahin ang talata ay nagko-konklusyon siya na masama na raw ang uri ng pamamahala sa Iglesia Ni Cristo.

Ang mga pahayag at konklusyon ni Isaias Samson Jr. ang malinaw na kahayagan na tinakasan na nga siya ng Espiritu Santo:

Una, hindi ang kahit na sinong makababasa ng talata (Kaw. 29:2 MB) ang magsasabi, huhusga, o susukat sa Namamahala sa bayan ng Diyos kung sino ang mabuti o hindi;

Ikalawa, sa pahayag ni Apostol Pablo, na isa sa mga sugo ng Diyos at Namahala sa unang Iglesia Ni Cristo sa dako ng mga Gentil ay sinabi niya, “Datapuwa’t sa ganang akin ay isang bagay na totoong maliit ang ako’y siyasatin ninyo, o ng pagsisiyasat ng tao: oo, ako’y hindi nagsisiyasat sa aking sarili (I Corinto 4:3).

Tandaan natin na ang Biblia ay kinasusulatan ng mga salita ng Diyos. Kaya, ang mga salita rin ng Diyos ang magpapaliwanag ng mga ito sa pamamagitan ng Sugo at Namamahala na inilagay ng Diyos (Colosas 1:25).

Kaya, ang Diyos at hindi ang sinumang tao, lalong hindi ang mga tiwalag ang susukat sa Namamahalang inilagay ng Diyos sa Iglesia Ni Cristo.

Gusto kong itanong sa’yo Isaias Samson Jr. [at sa iyong mga kasama]: sino ka para humusga sa Namamahala sa Iglesia? Diyos ka ba para sumukat o humusga? O, talagang hindi lamang paglaban sa Pamamahala ang kaya mong gawin kundi kina-career mo na rin kahit ang pakikipantay sa Diyos.

ANG PAGPAPASAKOP NA ITINUTURO NG BIBLIA AT ANG PAGPAPASAKOP NA ALAM NG MGA TIWALAG [Sagot Sa Mga Kasinungalingang Pahayag Ni Isaias Samson Jr.]

Sa isa sa mga pahayag nitong tiwalag na si Isaias Samson Jr. ay makikita na bukod sa hindi niya kayang gawin ay hindi rin niya talaga alam ang “pagpapasakop.” Talagang tinakasan na ng Espiritu Santo.

Mapanlinlang na Pahayag ni Isaias Samson Jr.:

“Hindi ba pagpapasakop at pagmamalasakit sa Pamamahala na lumuluhang idinulog ko at ipinagbigay-alam sa kaniya…”

Ang alam lang pala nitong si Samson sa “pagpapasakop” ay ang dumulog na may pagluha. Sa dinami-rami ng mga inilitanya niya, ni hindi makikita ang pag-aantay sa pasiya at higit sa lahat ang pagsunod sa pasiya. Kaya, gusto kong itanong sa’yo (ITS) kung ang kalagayan mo ba ngayon na “tiwalag” at ang “hindi mo pagsunod” sa ipinagagawa sa’yo noong panahong sinabi mong dumulog ka na may pagluha ang sinasabi mong “pagpapasakop”?

Mapanlinlang na Pahayag ni Isaias Samson Jr.:

“Ang pagpapasakop bang nalalaman ninyo ay ang manahimik at magbulag-bulagan lamang…”

Itong ipinararatang mo (ITS) na ang alam naming pagpapasakop ay pananahimik at pagbubulag-bulagan. Ito ang katunayan na binulag ka na talaga ng diablo sapagkat malinaw sa amin na ang pagpapasakop ay sa pamamagitan ng pagtalima o pagsunod.

Isaias Samson Jr. at kaniyang mga kasama, basahin ninyong mabuti ang “pagpapasakop” sa Pamamahala na itinuturo ng Biblia. Sabi mo nga sa isa mong sulat, “limiin mong mabuti.”

Tunay na pagpapasakop na itinuturo ng Biblia:

“Magsitalima kayo sa namiminuno sa inyo, at kayo’y pasakop sa kanila…” (Heb. 13:17)

“Obey your spiritual leaders and submit to them…” (Heb. 13:17 Amplified)

“Obey your leaders and follow their orders…” (Heb. 13:17 GNB)

Sana ay makita [huwag pumayag na patuloy na mabulag ng diablo] ng mga itiniwalag na ito na lumalaban sa Pamamahala ang malinaw na nakasulat sa Biblia: “magsitalima, obey, follow.”

Kaya, sa pagsunod, paggalang, at pagpapasakop nananatili ang mga Iglesia Ni Cristo sapagkat ito ang itinuturo ng Biblia.

 

KANINO TAYO MANINIWALA, KAY CRISTO NA ATING TAGAPAGLIGTAS O SA MGA TIWALAG NA HINDI MALILIGTAS? [Ikalawang Bahagi]

Ang Pinakikinggan At Sinusunod Ng Mga Maliligtas

Upang ang tao ay maligtas kailangan ang pagsunod sa utos ni Cristo sapagkat si Cristo ay Tagapagligtas (Gawa 5:31) at Tagapamagitan (Intermediary sa ibang salin ng Biblia) sa Diyos:

“For there is one God and one intermediary between God and humanity, Christ Jesus, himself human” (I Tim. 2:5 NET).

Kaya, ang utos ni Cristo upang ang tao ay maligtas ay pumasok sa Kaniya sa pamamagitan ng pagpasok sa kawan o pag-anib sa Iglesia Ni Cristo (Juan 10:7 at 9; Gawa 20:28 Lamsa). Nilinaw rin ni Cristo na kailangang manatiling sanga o nakaugnay sa Kaniya upang maligtas. Kaya ang mga tunay na maliligtas ay ang mga sumunod sa utos ni Cristo na umanib sa Iglesia Ni Cristo at nanaliting sanga ng Puno, na si Cristo (Juan 15:1, 5, 16).

Ang mga katotohanang ito ay alam na alam at siya ring itinuro ng mga dating ministro sa Iglesia Ni Cristo noong hindi pa sila itinitiwalag. Subalit ngayon ay ibang iba na ang kanilang itinuturo, katunayang tinakasan na sila ng Espiritu Santo.

Ang itinuturo nila ay hindi lamang wala sa Biblia, kundi labag pa sa nakasulat sa Biblia. Halimbawa, ang kanilang itinuturo na, “Maliligtas din naman daw sila kahit wala sa Iglesia Ni Cristo o kahit nasa labas o tiwalag sa Iglesia Ni Cristo.” Labag ito sa turo ni Cristo na mababasa sa Biblia sapagkat tiniyak ni Cristo na ang maliligtas ay ang mga kaanib at namamalagi sa Iglesia Ni Cristo. Sila ang mga namamalagi sa turo ni Cristo na ating Tagapagligtas at Tagapamagitan (Intermediary) sa Diyos. Ang mga kaibayo naman nito na nang-aakit pa ng iba at nagsasabing maliligtas din naman daw kahit wala sa Iglesia Ni Cristo ay mga kasangkapan ng diablo – mga taong maghahatid sa kanilang mga mapaniniwala sa kapahamakan, sa halip na sa kaligtasan. Huwag tayong maniniwala o paakit sa kanila!

KANINO TAYO MANINIWALA, KAY CRISTO NA ATING TAGAPAGLIGTAS O SA MGA TIWALAG NA HINDI MALILIGTAS?

Itong mga tiwalag sa Iglesia Ni Cristo na mga dating pa namang ministro ay patuloy pa ring nagpapanggap na tagapangaral ng Ebanghelyo at nagpapaliwanag ng mga hula sa Biblia.

Katulad na katulad ng mga taong binabanggit ng Panginoong Jesucristo na mga hindi papasukin sa kaharian ng langit:

“On Judgment Day there will be many who will say to Me, ‘But Lord! O Lord! Didn’t we prophesy and preach in Your name? We even drove out demons and performed many miracles in Your name!’ “Then I will reply, ‘I never knew you. Get out of My presence, you who insist on living as you please instead of obeying God!’ (Matt. 7:22-23 Last Days Bible)

Bakit higit pa rito sa binabanggit ng Panginoong Jesucristo ang mga tiwalag na mga dating ministro na patuloy pa ring nangangaral at nagpapaliwanag ng hula? Sapagkat, kung ito ngang binabanggit ng Panginoong Jesucristo sa mga talatang ito na nagsasabing nakapagpaliwanag ng hula, nangaral ng Ebanghelyo, at nakapagpalayas pa diumano ng demonyo ay hindi makapapasok sa langit, lalung-lalo na sila (mga tiwalag) na hindi papasukin sa langit – kahit pa patuloy pa rin silang mangaral at magpaliwalag ng hula.

Bakit lalung-lalo na silang hindi makapapasok sa langit o maliligtas? Ni hindi nga nila magawang mapalayas ang masamang espiritu (demonyo) na naghahari sa kanila, dahil kung napalayas sana nila iyon, baka namamalagi pa sila sa tunay na kahalalan at hindi tiwalag sa Iglesia Ni Cristo.

Ayon pa sa Panginoong Jesucristo, ang mga taong ito ay nabubuhay sa kanilang sariling kagustuhan sa halip na sundin ang Diyos.

Kaya, kanino tayo maniniwala – Kay Cristo Na Ating Tagapagligtas O Sa Mga Tiwalag Na Hindi Maliligtas?